Барыс Мікалаевіч Нешатаеў (нар. 9 верасня 1947, Кудымкар, Пермскі край, Расія) — географ. Доктар геаграфічных навук (1992), прафесар (1994).
Скончыў Пермскі дзяржаўны ўніверсітэт (спецыяльнасць «Фізічная геаграфія», 1971; аспірантура, 1977).
Працаваў у СШ № 82 г. Пярмі (1971—1974, настаўнік), Пермскім дзяржаўным універсітэце (1977—1981, асістэнт кафедры фізічнай геаграфіі), Магілёўскім дзяржаўным універсітэце імя А. А. Куляшова (1995—1996 — прафесар кафедры біялогіі і хіміі, 1996—2002 — загадчык кафедры геаграфіі і аховы прыроды), Сумскім дзяржаўным педагагічным універсітэце імя А. С. Макаранкі (1982—1994 і з 2002, прафесар кафедры агульнай і рэгіянальнай геаграфіі, у 2002—2016 — загадчык кафедры).
Навуковыя інтарэсы: фізічная геаграфія; ландшафтазнаўства; геамарфалогія; геаэкалогія.