У Вікіпедыі ёсць артыкулы пра іншых асоб з прозвішчам Беразоўскі.
Барыс Абрамавіч Беразоўскі (23 студзеня 1946, Масква — 23 сакавіка 2013) — буйны расійскі прадпрымальнік і палітычны дзеяч, навуковец-матэматык, уваходзіў у блізкае акружэнне Б. Ельцына, палітычны апанент У. У. Пуціна.
З 20 верасня 2001 г. знаходзіцца ў вышуку ў РФ па абвінавачванні ў махлярстве, адмыванні грошай, спробе гвалтоўнага захопу ўлады. Жыве ў Вялікабрытаніі як палітычны бежанец. З 2003 г. мае брытанскі дакумент (Travel document) на імя «Платон Еленин»[5] (бел.: Платон Аленін). З’яўляецца грамадзянінам Расійскай Федэрацыі. У 1996 годзе адмовіўся ад грамадзянства Ізраіля[6]. У 1997 годзе часопіс Forbes ацэньваў яго багацце ў 3 млрд долараў. У 1990-я гады ўдзельнік г. зв. «сямібанкіршчыны».