Барыс Іванавіч Кочураў (31 жніўня 1946, сяло Млын, Валынскай вобласці) — расійскі навуковец у вобласці геаэкалогіі і картаграфіі, прафесар Інстытута геаграфіі РАН, галоўны рэдактар часопіса «Проблемы региональной экологии».
У 1969 скончыў МДУ па спецыяльнасці фізічная геаграфія, глебазнаўства і геахімія ландшафтаў і пачаў працаваць у Інстытуце геаграфіі СА АН СССР. У перыяд працы арганізаваў і кіраваў комплекснымі працамі на стэпавым (Хакасія) і тайговым (Заходні Саян) стацыянарах Паўднёва-Сібірскай геаграфічнай станцыі.
У 1979—1986 працаваў у Дзяржаўным інстытуце зямельных рэсурсаў, з 1986 — у Інстытуце геаграфіі РАН. Кандыдатам геаграфічных навук стаў у 1974, доктарам — у 1994.
Адзін з заснавальнікаў картаграфічнага кірунку ў геаэкалагічных даследаваннях, стварыў першую экалагічную карту СССР (1990), шэраг экалагічных карт іншых тэрыторый. Аўтар больш 200 навуковых прац.