У Вікіпедыі ёсць артыкулы пра іншых асоб з прозвішчам Кавалькоў. Барыс Іванавіч Кавалькоў (12 сакавіка 1952, в. Судабоўка, Смалявіцкі раён, Мінская вобласць, цяпер у межах Жодзіна) — беларускі архітэктар.
Скончыў Беларускі політэхнічны інстытут у 1974 годзе. Працаваў у Мінскпраекце, з 1983 па 1986 г. — архітэктарам Савецкага раёна Мінска, з 1986 года — кіраўнік групы архітэктараў у Белдзяржпраекце.
Член Саюза архітэктараў СССР з 1980 года. Пражывае ў г. Мінску.
Асноўныя працы (у аўтарскім калектыве): праект забудовы комплексу 9-, 16-павярховых жылых дамоў і ўстаноў культурна-бытавога абслугоўвання па праспекце Машэрава (1978), 12-павярховыя жылыя дамы па вул. Дзянісаўскай, Ляўкова (1982) у Мінску.