Бароды — возера ў Беларусі, у Полацкім раёне Віцебскай вобласці, у басейне ракі Ушача (цячэ праз возера), за 23 км у напрамку на паўднёвы захад ад Полацка, каля вёскі Варонічы, за 15 км на поўнач ад гарадскога пасёлка Ушачы.
Плошча паверхні 0,38 км², даўжыня 1,1 км, найбольшая шырыня 600 м, найбольшая глыбіня 7 м. Даўжыня берагавой лініі 3,9 км. Берагі спадзістыя, месцамі стромкія, пясчаныя і гліністыя. Мелкаводдзе вузкае і пясчанае. Астатняя частка дна гліністая і пясчаная.