Барбара Рэгіна Дзіцш (2 верасня 1706 — 1 траўня 1783) — баварская мастачка і гравёр.
Нарадзілася ў імперскім горадзе Нюрнбергу ў 1706 годзе ў сям’і мастакоў. Яе бацька Ян Ізраіл (1681—1754), брат Ян Крыстоф і сястра Маргарыта былі прыдворнымі мастакамі[6]. Сама Барбара спецыялізавалася ў батанічнай ілюстрацыі акварэллю і гуашшу, таксама рабіла гравюры па матывах уласных работ. Яе карціны прадаваліся ў Германію, Англію і Францыю.
Выйшла замуж за мастака Нікалауса Матыза (Nikolaus Matthes), разам з ім пераехала ў Гамбург[7]. Пад канец жыцця вярнулася ў Нюрнберг, дзе памерла ў траўні 1783.
Работы Барбары Дзіцш захоўваюцца ў Музеі выяўленчых мастацтваў Сан Францыска[8] і ў музеі Геці[9].