У гэтага паняцця ёсць і іншыя значэнні, гл. Анча. Ба́лтайі А́нча (літ.: Baltoji Ančia, традыцыйная беларуская назва Белая Ганча) — рака на поўдні Літвы, левы прыток Нёмана. Даўжыня 60 км. Плошча вадазбору 791 км². Сярэднягадавы расход вады ў вусці каля 5 м³/с.
Пачынаецца з возера Анча ў Лаздзіяйскім раёне Літвы, цячэ на поўдзень, працякае праз Капчаміесціс, пасля чаго паварочвае на ўсход і ўпадае ў вадасховішча Балтайі Анча. Пасля выцякае з вадасховішча і пры самай мяжы з Беларуссю ўпадае ў Нёман.