Балашо́ўскі сельсавет — былая адміністрацыйна-тэрытарыяльная адзінка ў складзе Віцебскага раёна Віцебскай вобласці. Цэнтр — вёска Балашы.
Утвораны 20 жніўня 1924 года як Марчонкаўскі сельсавет у складзе Суражскага раёна Віцебскай акругі БССР. Цэнтр — вёска Марчонкі. Пасля скасавання акруговай сістэмы 26 ліпеня 1930 года ў Суражскім раёне БССР, з 20 лютага 1938 года — Віцебскай вобласці БССР. 16 ліпеня 1954 года цэнтр сельсавета перанесены ў вёску Балашы, сельсавет перайменаваны ў Балашоўскі[1]. З 20 студзеня 1960 года ў складзе Віцебскага раёна. 22 снежня 1960 года скасаваны, тэрыторыя далучана да Суражскага пассавета[2].