Ба́лавец[2][3], Начвіха[3] — рака ў Лагойскім раёне Мінскай вобласці Беларусі, правы прыток ракі Дзвінаса (басейн Віліі).
Даўжыня ракі 14 км. Плошча вадазбору 70 км². Сярэдні нахіл воднай паверхні 3 м/км. Выток ракі знаходзіцца каля вёскі Юльянова, вусце прыкладна за 0,6 км на поўдзень ад вёскі Салаўёўка. Рэчышча каналізаванае ў сярэднім і ніжнім цячэнні. У басейне ракі шмат меліярацыйных каналаў. Прытокі — Глушчанка і Каргаўшчына (правыя)[3][1].