Базі́ліка Марыя́цэля — каталіцкі храм, які мае статус помніка архітэктуры, у горадзе Марыяцэль, які знаходзіцца ў федэральнай зямлі Штырыя ў Аўстрыі. Базіліка вядомая як месца захоўвання драўлянай фігуркі Багародзіцы, якую называюць «Вялікая Маці Аўстрыі» і якая ўшаноўваецца як нацыянальная святыня. Царква носіць ганаровы тытул «малая базіліка» і з’яўляецца галоўным месцам каталіцкіх паломніцтваў у Аўстрыі.