«А по́тым мы танцава́лі» (груз. და ჩვენ ვიცეკვეთ) — шведска-грузінска-французскі мастацкі фільм рэжысёра Левана Акіна, які выйшаў на экраны ў 2019 годзе[2].
Фільм быў прадстаўлены ў асноўнай конкурснай праграме ігравога кіно 26-га Мінскага міжнароднага кінафестывалю «Лістапад»[3].
Мераб з дзяцінства трэніруецца ў Нацыянальным грузінскім ансамблі разам са сваёй партнёркай па танцах Мэры. Яго свет раптам перакульваецца, калі ў ансамблі з’яўляецца харызматычны і бесклапотны Іраклій і становіцца яго самым моцным супернікам і аб’ектам захаплення. Мераб разумее, што прагне вырвацца са свайго кансерватыўнага асяродку і рызыкнуць усім[3].