wd wp Пошук: ⬜

Аўсянка

У гэтага паняцця ёсць і іншыя значэнні, гл. Аўсянка (значэнні).

Аўся́нка, вярхоўка (Leucaspius delineatus) — від рыб сямейства карпавых з роду Leucaspius.

Апісанне

Дасягае даўжыні 8—9 см, часцей 6 см. Цела умерана доўгае, сціснутае з бакоў. Жыве да 5 гадоў. Палавая спеласць надыходзіць на другім годзе жыцця. Нераст парцыённы, пачынаецца ў 2-й палове мая — чэрвені. Трымаецца чародкамі. Днём плавае ля паверхні, сілкуючыся паветранымі насякомымі, ноччу апускаецца на глыбіню і сілкуецца зоапланктонам. Таксама корміцца ікрой рыб.

Распаўсюджанне

Жыве ў рэках Еўропы: басейны Рэйна, Дуная, Дняпра, Прыпяці, Волгі, Заходняй Дзвіны, Нёмана і іншых. Ёсць у некаторых азёрах басейнаў Анегі і Паўночнай Дзвіны, у рэках Паўночнага Каўказа. Шматлікі від. З-за сваіх малых памераў аўсянка ніякай прамысловай каштоўнасці не ўяўляе, пры гэтым з’яўляецца кармавой базай для многіх драпежных відаў рыб.

Літаратура

Аўсянка // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 2: Аршыца — Беларусцы. — 480 с. — 10 000 экз. — ISBN 985-11-0061-7 (т. 2), ISBN 985-11-0035-8.
Верховка // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978.(руск.)

Спасылкі

The IUCN Red List of Threatened Species: Leucaspius delineatus