wd wp Пошук: ⬜

Аўрэлій Валерый Валент

Аўрэлій Валерый Валент (лац.: Aurelius Valerius Valens, ? — 317 г.), вядомы таксама як Валент I — рымскі імператар з канца 316 года па 1 сакавіка 317 года.

Біяграфія

Адзінае, што вядома пра гэтага чалавека да яго прыходу да ўлады — што ён быў камандуючым на мяжы (лац.: dux limitanis) у Дакіі[1] (якая ў той час кантралявалася Ліцыніем). Пасля таго як падчас першай сваёй вайны з Канстанцінам I Ліцыній пацярпеў знішчальную паразу ў бітве пры Цыбале 8 кастрычніка 316 года[2] (некаторыя даследчыкі яе адносілі да 314 г.[3]), ён бег да Адрыянапаля, дзе з дапамогай Валента сабраў новае войска. Там, напачатку снежня 316 года Ліцыній узвёў Валента ў ранг Аўгуста — напэўна, для таго, каб захаваць яго лаяльнасць[4]. Пазней Ліцыній распачне такі ж ход, падчас другой вайны з Канстанцінам прызначыўшы сабе ў суправіцелі Марцініяна.

Наратыўныя крыніцы завуць Валента цэзарам, аднак на манетах ён пазначаецца як Аўгуст[5].

Сітуацыю змяніла параза Ліцынія ў бітве пры Мардыі ў канцы 316 — пачатку 317 гадоў. Ліцыній быў змушаны прызнаць Канстанціна старэйшым аўгустам і зрушыць Валента. Мірны дагавора быў складзены ў Сердзіцы 1 сакавіка 317 года. Невядома, ці было гэта ўмовай дагавора, але крыху пазней Ліцыній караў смерцю Валента[6].

Зноскі

1. ↑ Jones A.H.M., Martindale J.R., Morris J., The Prosopography of the Later Roman Empire, Cambridge University Press, 1971, p.1119.
2. ↑ Наконт даты бітвы пры Кібале гл.: Potter, David S. The Roman Empire at Bay AD 180—395, Routledge, 2004. P. 378; Odahl, Charles M. Constantine and the Christian Empire, Routledge, 2004. P. 164; Treadgold W., A History of the Byzantine State and Society, Stanford University Press 1997. P.34; Christensen A.S., Baerentzen L., Lactantius the Historian, Museum Tusculanum Press, 1980. P.23.
3. ↑ Гл.: Jones, Arnold, H. M. Constantine and the Conversion of Europe. The English University Press, 1949. P. 127; MacMullen R. Constantine. Routledge, 1987. P.67.
4. ↑ Jones A.H.M. Constantine p.127
5. ↑ Lieu, Samuel N. C., Montserrat Dominic. From Constantine to Julian: A Source History. Routledge, 1996; A Dictionary of Roman Coins. London, 1889.
6. ↑ Римские императоры. ВАЛЕНТ I

Крыніцы і літаратура

Крыніцы

• Аноним Валезия. Род императора Константина. 17-18.
• Псевдо-Аврелий Виктор. Извлечения о жизни и нравах римских императоров. XL.
• Зосим. Новая история. 2. 20.

Літаратура

• Jones, Arnold, H. M. Constantine and the Conversion of Europe, The English University Press, 1949
• Lieu, Samuel N. C., Montserrat Dominic. From Constantine to Julian: A Source History, Routledge, 1996. ISBN 0-415-09335-X (с английским переводом «Рода императора Константина»).
• Odahl, Charles M. Constantine and the Christian Empire, Routledge, 2004. ISBN 0-415-17485-6
• Potter, David S. The Roman Empire at Bay AD 180—395, Routledge, 2004. ISBN 0-415-10058-5
• Barnes, Timothy D. The New Empire of Diocletian and Constantine. Cambridge, MA: Harvard University Press, 1982. ISBN 0-7837-2221-4

Тэмы гэтай старонкі (7):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы з ручной вікіфікацыяй дат у картцы
Катэгорыя·Нарадзіліся ў III стагоддзі
Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы
Катэгорыя·Асобы
Катэгорыя·Імператары рымскія
Катэгорыя·Зрынутыя манархі