wd wp Пошук: ⬜

Ахсікент

Ахсікент Ахсікент (Ахсі) — гарадзішча на правым беразе Сырдар’і, на тэрыторыі сучаснай Наманганскай вобласці Узбекістана, недалека ад паселка Джумашуй.

Горад складаўся з цытадэлі, шахрыстана — асноўнай гарадской часткі і рабада — раена, дзе жылі рамеснікі. Плошча горада складала прыкладна 30 гектараў. Цытадэль была аддзеленая ад горада сцяной, а па перыметры вонкавых гарадскіх сцен быў выкапаны глыбокі роў. У горадзе былі развіты гандаль і саматужная рамесная вытворчасць. У VII—XIII стагоддзях у Ахсікенце знаходзіўся адзін з сярэднеазіяцкіх цэнтраў па вытворчасці літой тыгельнай сталі[1]. 70 гектараў плошчы гарадзішча былі занятыя вытворчасцю сталі[2].

У X—XIII стагоддзях Ахсікент быў адным з буйных гарадоў Ферганскай даліны. Нягледзячы на тое, што ў XIII стагоддзі Ахсікент быў разбураны ў выніку мангольскага нашэсця, нават у XV стагоддзі ен лічыўся буйным горадам, а бацька Бабура Умар-Шэйх-мірза, будучы кіраўніком Ферганскай даліны, выбраў Ахсі сваёй рэзідэнцыяй. У 1620 годзе горад быў цалкам разбураны землетрасеннем. Насельніцтва Ахсікента, ацалелае пасля землетрасення, перасялілася ў суседні Наманган.

Зноскі

Спасылкі

И. Ахраров. Новые археологические материалы с городища Ахсикет XIV—XVI веков: Общественные науки в Узбекистане, вып. № 8-9. Ташкент, 1969.(недаступная спасылка) (руск.)

Тэмы гэтай старонкі (3):
Катэгорыя·Вікіпедыя·Артыкулы з непрацоўнымі спасылкамі
Катэгорыя·Гарадзішчы Узбекістана
Катэгорыя·Наманган