Астраві́чы[1] (трансліт.: Astravičy, руск.: Островичи) — вёска ў Пінскім раёне Брэсцкай вобласці. Уваходзіць у склад Парахонскага сельсавета.
Даўняя ўласнасць князёў Жыжэмскіх, пазней — Радзівілаў і Друцкіх-Любецкіх. У 1559 годзе Астравічы згадваюцца ў судовай справе па парушэнні межаў зямельных уладанняў паміж шляхцічамі Гараглядамі з Вылаз і Філіпам Жыжэмскім, уладальнікам Парахонска і Астровіч.
У 1880-я гады фальваркам распараджаліся Асмалоўскія. У 1894 годзе на могілках пабудавана царква Арханёла Міхаіла (не захавалася).
У 1920—1930-я гадах маёнтак падвергся парцэляцыі; асноўным уладальнікам стала Марыя Валасевіч, эканомам быў Браніслаў Падгурскі.
Да 1985 года вёска знаходзілася ў складзе Гарадзішчанскага сельсавета[2].