Асака Хоста (Carex hostiana) — від шматгадовых травяністых раслін сямейства асаковых, які сустракаецца на балотах і забалочаных лугах, часцей на карбанатных глебах.
Скандынавія, Атлантычная, Сярэдняя і Усходняя (частка Прыбалтыкі, Украіны, Пскоўскай і Ленінградскай абласцей Расіі) Еўропа, Міжземнамор’е. Акрамя таго, пашырана і ў паўночна-ўсходняй частцы Паўночнай Амерыкі, галоўным чынам, на Лабрадоры і ў прылеглых раёнах[3][4]. У Беларусі сустракаецца лакальна на ўсходняй мяжэ арэалу[5].
Мае прамастаячае лісце з вострымі канцамі і гладкім краем, з аднаго боку шэрае, з другога цёмна-зялёнае. Сцяблы рабрыстыя, прамастаячыя, вышынёй 25-40 см, часам да 60 см[6]. Суквецце — колас, плод — арэшак[5][7].
Уключаны ў Чырвоныя кнігі Беларусі, Украіны, Ленінградскай вобласці[5][7].