У Вікіпедыі ёсць артыкулы пра іншых асоб з прозвішчам Валынскі. Арцемій Пятровіч Валынскі (руск.: Арте́мий Петро́вич Волы́нский; 1689 — 27 чэрвеня [8 ліпеня] 1740, Санкт-Пецярбург) — расійскі дзяржаўны дзеяч і дыпламат. У 1719—1730 гадах астраханскі і казанскі губернатар. У 1722 годзе умацаваў сваё становішча шлюбам са стрыечнай сястрой Пятра Вялікага. З 1738 года кабінет-міністр імператрыцы Ганны Іаанаўны. Супернік «біронаўшчыны». На чале гуртка дваран складаў праекты дзяржаўнай перабудовы. Пакараны смерцю па гэтай справе.