Арно Данжуа (фр.: Arnaud Denjoy; 5 студзеня 1884 — 21 студзеня 1974) — французскі матэматык.
Член Парыжскай Акадэміі навук (1942) і яе прэзідэнт (1962). Замежны член Акадэміі навук СССР (1971). Узнагароджаны залатым медалём імя М. В. Ламаносава АН СССР (1970) «за выдатныя дасягненні ў галіне матэматыкі».
З 1922 года прафесар Парыжскага ўніверсітэта, прэзідэнт Французскага матэматычнага таварыства. Асноўныя працы па тэорыі функцый рэчаіснай зменнай. Даў поўнае рашэнне класічнай задачы аб прымітыўнай функцыі, для якога ўвёў новае паняцце інтэграла, названага яго імем.