У Вікіпедыі ёсць артыкулы пра іншых асоб з прозвішчам Генеп. Арнольд ван Генеп (ням.: Arnold van Gennep, 23 красавіка 1873, Людвігсбург, Каралеўства Вюртэмберг — 7 мая 1957, Бур-ла-Рэн, Францыя) — вядомы французскі фалькларыст і этнограф. Прэзідэнт таварыства французскіх этнографаў (1952—1957), заснавальнік шэрагу этнаграфічных выданняў. Аўтар шматлікіх прац па агульнай этнаграфіі і этнаграфіі Францыі; першым з французскіх этнографаў ужыў метад этнаграфічнага картаграфавання.