Аркадзь Тэвелевіч Лейзераў (17 студзеня 1922, Мінск — 12 сакавіка 2007, Мінск) — беларускі юрыст. Доктар юрыдычных навук (1988), прафесар (1990). Удзельнік Вялікай Айчыннай вайны.
Скончыў Ваенна-юрыдычную акадэмію Савецкай Арміі (1949), Ваенны інстытут замежных моў (1953).
Працаваў у Савецкай Арміі (1940—1957), Спецыяльным каструктарскім бюро № 3 (г. Мінск; 1957—1959, інжынер аддзела тэхнічнай інфармацыі), Аддзеле прававых навук АН БССР (1959—1964, старшы навуковы супрацоўнік), Беларускім дзяржаўным універсітэце (з 1963, юрыдычны факультэт, прафесар кафедры канстытуцыйнага права).
Навуковыя інтарэсы: канстытуцыйнае права; выбарчая сістэма; дзейнасць і рэфармаванне органаў мясцовага кіравання і самакіравання; гісторыя Вялікай Айчыннай вайны; Халакост.
Ордэны Чырвонай Зоркі (2), Айчыннай вайны 2-й ступені, медалі.