wd wp Пошук: ⬜

Апольскі ўніверсітэт

Апольскі ўніверсітэт (польск.: Uniwersytet Opolski) — вышэйшая навучальная ўстанова ў горадзе Аполе ў Польшчы.

Агульная характарыстыка

Апольскі ўніверсітэт — адзін з васямнаццаці дзяржаўных класічных універсітэтаў у Польшчы, які базуецца ў горадзе Аполе. Быў утвораны ў 1994 годзе ў выніку аб’яднання Вышэйшай педагагічнай школы імя Сілезскіх паўстанцаў (заснавана ў 1950 годзе ва Уроцлаве і пераведзена ў 1954 годзе ў Аполе) і апольскага філіяла Люблінскага каталіцкага ўніверсітэта (размяшчаўся ў Нысе), заснаванага на шматгадовым вопыце Вышэйшай духоўнай семінарыі ў Нысе, дзе працавалі навуковыя кадры былога багаслоўскага факультэта Універсітэта Яна Казіміра ў Львове. Універсітэт выводзіць свае традыцыі са спробы ў XVI стагоддзі стварыць Пястаўскі ўніверсітэт у Бжэгу князем Ежы II і ў Нысе ў XVII стагоддзі ўроцлаўскім біскупам Карлам Габсбургам.

Навучанне студэнтаў вядзецца на 47 асноўных кірунках стацыянарнай і завочнай форм навучання. На працягу апошніх гадоў універсітэт з’яўляецца міждысцыплінарнай научальнай установай з перавагай гуманітарных спецыяльнасцей. У яго складзе дзейнічае 12 факультэтаў, 20 інстытутаў і 12 міжвузаўскіх падраздзяленняў.

Установа мае 771 навукова-метадычных супрацоўнікаў (з іх 60 — на пасадзе прафесара звычайнага, 155 — на пасадзе прафесара надзвычайнага, 387 — на пасадзе ад’юнкта, 80 — на пасадзе асістэнта, 84 — на пасадзе старшага выкладчыка і 5 выкладчыкаў). З пункту гледжання атрыманых навуковых ступеняў ва ўніверсітэце працавалі: 87 прафесараў, 165 хабілітаваных дактароў і 350 дактароў філасофіі.

Структура

Факультэты

Багаслоўскі факультэт
Медыцынскі факультэт
Прыродазнаўчы факультэт
Факультэт мастацтваў
Факультэт матэматыкі, фізікі і інфарматыкі
Факультэт медыцынскіх навук
Факультэт навук аб палітыцы і сацыяльных камунікацыях
Факультэт права і адміністрацыі
Факультэт сацыяльных навук
Факультэт хіміі
Філалагічны факультэт
Эканамічны Факультэт

Інстытуты

Інстытут біялогіі
Інстытут хіміі
Інстытут эканомікі і фінансаў
Інстытут фізікі
Інстытут сацыяльна-эканамічнай геаграфіі і прасторавай эканомікі
Інстытут гісторыі
Інстытут інфарматыкі
Інстытут экалагічнай інжынерыі і біятэхналогій
Інстытут лінгвістыкі
Інстытут медыцынскіх навук
Інстытут навук аб літаратуры
Інстытут палітычных навук і адміністрацыі
Інстытут навук аб кіраванні і якасці
Інстытут навук аб здароўі
Інстытут педагагічных навук
Інстытут правазнаўства
Інстытут багаслоўскіх навук
Інстытут псіхалогіі
Інстытут візуальных мастацтваў

Зноскі

↑ https://radon.nauka.gov.pl/dane/profil/82d9ae49-c04f-4383-a846-9f1091a57cfa Праверана 17 верасня 2022.

Спасылкі

На Вікісховішчы ёсць медыяфайлы па тэме Апольскі ўніверсітэт
Афіцыйная інтэрнэт-старонка ўніверсітэта