Антанізбе́рг[1] (трансліт.: Antanizbierh, руск.: Антонисберг) — вёска ў Мядзельскім раёне Мінскай вобласці. Уваходзіць у склад Нарацкага сельсавета.
У 1847 г. маёнтак Свянцянскага павета Віленскай губерні, валоданне братоў Галкаў, 79 рэвізскіх душ. Складаўся з засценка Лапцена і вёсак Варанцы, Галубенькі, Логвіны, была карчма. У 1868 г. маёнтак Кабыльніцкай воласці Свянцянскага павета, налічваў 16 жыхароў, у 1904 г. — 14 жыхароў.
З 12.10.1940 г. у Ляшчынскім сельсавеце Мядзельскага раёна Вілейскай, з 20.09.1944 г. Маладзечанскай, з 20.01.1960 г. Мінскай абласцей, з 09.08.1979 г. у Нарацкім сельсавеце. У 1949 г. сяляне вёсак Сымоны і Антанізберг стварылі калгас імя Леніна. З 1979 у складзе калгаса «Нарач» (цэнтр — вёска Чараўкі).