У Вікіпедыі ёсць артыкулы пра іншых людзей з імем Валон.
Анры Валон (фр.: Henri Wallon; 15 сакавіка 1879, Парыж — 1 снежня 1962, Парыж) — французскі псіхолаг, грамадскі дзеяч, філосаф. Удзельнік Руху Супраціву. Спецыяліст па дзіцячай і генетычнай псіхалогіі, працаваў таксама ў галіне патапсіхалогіі і прыкладной псіхалогіі; заснаваў у Францыі першую лабараторыю дзіцячай псіхалогіі (1927) і першы ў гэтай галіне часопіс “Анфанс” (“Дзяцінства”) (1948).
На аснове прац Валона пра генезіс і стадыяльнае развіццё дзіцячай свядомасці ў норме і паталогіі, пра характар, эмоцыі, пастуральныя функцыі ў дзяцей паўстала псіхалагічная школа, якая носіць яго імя.