wd wp Пошук: ⬜

Андрэ Планшэ

Андрэ Планшэ (фр.: André Planchè, англ.: Andrew Planche, каля 1727—1809) — ганчар, сын французскіх уцекачоў-гугенотаў. Жыў у Дэрбі з 1751 (верагодна, да сярэдзіны 1756), нарадзіўся, мяркуецца, у Вэстмінстэры [1]. У яго было як мінімум чацвёра дзяцей — Пол, Джэймс, Джэймс Бароўс (незаконнанароджаны) і Уільям (Paul, James, James Burrows, William)[2].

Мадэляванні і вырабу фарфору яго навучыў бацька, які працаваў у Мейсене. Меркавана, навучанне ішло ў Лондане ў перыяд 1740—1747 гадоў[1]. Ва ўзросце 17 гадоў малады Планшэ ўжо вырабляў невялікія вырабы на дэрбскай фарфоравай фабрыцы. У 1749 ён працаваў на Уільяма Літлера (William Littler) у Лонгтан-Холе[3]. З 1756 ён працаваў на Уільяма Дзьюсбэры на яго новай фарфоравай фабрыцы на Нотынгем-Роўд, якая пазней стала Royal Crown Derby [4].

Фарфоравыя фігуры, якія, як мяркуецца, былі змадэляваныя Планшэ, рэдкія. Музей і мастацкая галерэя Дэрбі валодае мадэллю пачатку 1752, якая паказвае кітайца і хлопчыка. Гэта мадэль перыяду «Dry Edge», які доўжыўся з 1750 па 1756 гады; перыяд атрымаў сваю назву з-за неглазурырованной асновы вырабаў[1].

Зноскі

1 2 3 Chinaman and Boy. Treasures of Derby. Derby.gov.uk. Праверана 18 чэрвеня 2011.
↑ Peter Bradshaw (1981). 18th century English porcelain figures, 1745-1795. https://archive.org/details/18thcenturyengli0000brad.
↑ George Bernard Hughes; Therle Hughe (1968). English porcelain and bone china, 1743-1850.
↑ Bemrose, William (1898). Bow, Chelsea, and Derby Porcelain. London: Bemrose & Sons, Ltd.. pp. 103-104. https://archive.org/details/bowchelseaderbyp00bemr.