Андрэ Барсак (5 лютага 1909, Феадосія — 3 лютага 1973, Парыж) — французскі рэжысёр, тэатральны мастак, драматург.
Вучыўся ў Школе дэкаратыўных мастацтваў у Парыжы ў 1924-26 гадах. У 1928-30 гадах мастак у тэатры «Атэлье», з 1940 года ўзначальваў яго. Аўтар дэкарацыйнага афармлення і рэжысёр спектакляў: «Хітрыкі Скапэна» Мальера, «Эўрыдыка» Ж.Ануя, «Браты Карамазавы» паводле Ф.Дастаеўскага і інш. Працаваў як мастак у кіно. Аўтар камедыі «Агрыпа, ці Шалёны дзень», некалькіх інсцэніровак літаратурных твораў, артыкулаў пра тэатр.