Андрэй Яўгенавіч Белагруд (1875, Жытомір — 19 ліпеня 1933, Гатчына) — рускі і савецкі архітэктар, рэстаўратар, прафесар, рэктар Акадэміі Мастацтваў (1922 год), дэкан (1922—1928) архітэктурнага факультэта акадэміі, член праўлення Таварыства архітэктур Ленінградскага саюза савецкіх архітэктараў.
Скончыў курс Вышэйшага мастацкага вучылішча пры Імператарскай Акадэміі мастацтваў (1901—1910). Атрымаў званне мастака за праект Дзяржаўнай Думы (23.05.1910). Выкладаў у розных інстытутах: у Жаночым Політэхнічным (1912—1925), політэхнічным (1926—1930), у акадэміі, дзе быў рэктарам і дэканам архітэктурнага факультэта.
Пахаваны на Новадзявочых могілках у Ленінградзе (Санкт-Пецярбургу).