У Вікіпедыі ёсць артыкулы пра іншых асоб з прозвішчам Целешаў.
Андрэй Рыгоравіч Це́лешаў (1906, вёска Калясянка, Чавускі раён, Магілёўская вобласць — 14 лютага 1940) — Герой Савецкага Саюза.
Нарадзіўся ў сялянскай сям’і. У Чырвонай Арміі з 1932 года. Удзельнік савецка-фінляндскай вайны 1939-40 гадоў, камандзір матарызаванай роты разведвальнага батальёна 150-й стралковай дывізіі. А. Р. Целешаў вызначыўся ў час разведкі боем агнявой сістэмы праціўніка на мысе Патаніелі. У ноч на 14. 02. 1940 года пад агнём праціўніка байцы роты падышлі да драцяной загароды, зрабілі праход і пачалі атаку. Цяжкапаранены А. Р. Целешаў кіраваў боем. Загінуў у гэтым баі. Званне Героя Савецкага Саюза прысвоена 7. 04. 1940 года.