wd wp Пошук: ⬜

Андрэй Мікалаевіч Тур

У Вікіпедыі ёсць артыкулы пра іншых асоб з прозвішчам Тур.

Андрэй Мікалаевіч Тур (20 красавіка 1953, Ленінград, Расія — 31 мая 2016) — беларускі эканаміст, спецыяліст у галіне эканамічнай тэорыі, дзяржаўны дзеяч. Доктар эканамічных навук (1992), прафесар (1993).

Біяграфія

Скончыў Беларускі дзяржаўны інстытут народнай гаспадаркі ім. В. У. Куйбышава (планава-эканамічны факультэт, 1974; аспірантура, 1978).

Працаваў у Беларускім дзяржаўным інстытуце народнай гаспадаркі імя В. У. Куйбышава (з 1978, кафедра эканамічнай тэорыі і гісторыі эканамічных вучэнняў, у 1982—1988 і 1991—1995 — загадчык кафедры), Гаванскім універсітэце (Куба; 1983—1985, выкладчык-кансультант), Міністэрстве эканомікі Рэспублікі Беларусь (1995—2011, намеснік міністра), Адміністрацыі Прэзідэнта Рэспублікі Беларусь (2011—2013, намеснік главы), Беларускім нацыянальным тэхнічным універсітэце (з 2013, прафесар кафедры «Эканоміка і права», з 2015 — загадчык кафедры «Бізнес-адміністраванне»).

Навуковыя інтарэсы: гісторыя эканамічных вучэнняў; фарміраванне палітыкі макраэканамічнай стабілізацыі ў пераходны перыяд; эканамічная бяспека; інавацыйна-інвестыцыйная дзейнасць.

Бібліяграфія

Категориальный аппарат английской политической экономии в аспекте современных проблем развития и изучения экономической теории : автореферат диссертации … доктора экономических наук : 08.00.01 / Тур Андрей Николаевич. — Минск, 1992.
Современная буржуазная политэкономия Англии о национальном доходе (критический анализ) : автореферат диссертации … кандидата экономических наук : 08.00.01 / Тур Андрей Николаевич. — Минск, 1980.

Зноскі

Літаратура

Тур Андрэй Мікалаевіч // Беларуская энцыклапедыя : у 18 т. — Мінск, 2003. — Т. 16. — С. 33.
Тур Андрей Николаевич // Республика Беларусь : энциклопедия : [в 7 т.]. — Минск, 2008. — Т. 7. — С. 279.
Тур Андрей Николаевич // Белорусский государственный экономический университет в биографиях преподавателей и выпускников : 75 лет, 1933—2008. — Минск, 2008. — С. 312.
Памяти А. Н. Тура // Белорусский экономический журнал. — 2016. — № 2. — С. 154.