У Вікіпедыі ёсць артыкулы пра іншых асоб з прозвішчам Карпук.
Андрэй Андрэевіч Карпук (24 верасня 1944, в. Акцябр, Кобрынскі раён, Брэсцкая вобласць — верасень 2012) — беларускі матэматык, кандыдат фізіка-матэматычных навук (1974), прафесар (1993).
Закончыў Акцябрскую 7-гадовую школу, затым Гарадзецкую сярэднюю школу.
У 1966 годзе закончыў Брэсцкі педагагічны інстытут, фізіка-матэматычны факультэт. Нягледзячы на напружаную вучобу, знаходзіў час для заняткаў спортам (гуляў за зборную каманду ВНУ па футболе, гандболе, валейболе), паездкі ў складзе студэнцкіх атрадаў на цалінныя будоўлі (менавіта тады А. А. Карпук быў узнагароджаны медалём «За асваенне цалінных земляў»).
З 1967 года — выкладчык Брэсцкага інжынерна-будаўнічага інстытута, з 1972 года — выкладчык Беларускага ўніверсітэта інфарматыкі і радыёэлектронікі.
Закончыў аспірантуру Інстытута матэматыкі АН БССР: у 1974 годзе абараніў кандыдацкую дысертацыю. У 1975 годзе становіцца дацэнтам кафедры вышэйшай матэматыкі, а ў 1993 годзе — прафесарам.
Напісаў шмат навуковых прац па матэматыцы і фізіцы. Аўтар падручнікаў і дапаможнікаў для ВНУ.