У Вікіпедыі ёсць артыкулы пра іншых асоб з прозвішчам Вазнясенскі.
Андрэ́й Андрэ́евіч Вазнясе́нскі (12 мая 1933, Масква — 1 чэрвеня 2010, Масква) — рускі паэт, празаік, мастак, архітэктар.
Скончыў Маскоўскі архітэктурны інстытут (1957). Выступіў з вершамі ў 1958 годзе. Паэма Вазнясенскага «Майстры» (1959) прыцягнула ўвагу свежасцю мовы, перакананасцю ў высокім пакліканні мастацтва. Зборнік «40 лірычных адступленняў з паэмы „Трохвугольная груша“» (1962), у асноўным прысвечаны ўражанням паэта ад паездкі ў ЗША.
Паэзія Вазнясенскага адрознівалася вострым пачуццём сучаснасці, дынамічнасцю верша, ускладненай, часта парадаксальнай, асацыятыўнай вобразнасцю, мудрагелістай гульнёй алітэрацый.
На беларускую мову пераклаў Рыгор Барадулін (зборнік «Небам адзіным», 1980).