У Вікіпедыі ёсць артыкулы пра іншых асоб з прозвішчам Асташоў. Андрэй Аляксеевіч Асташоў (нар. 26 кастрычніка 1970, г. Ліда, Гродзенская вобласць) — беларускі скульптар.
У 1990 г. скончыў Мінскае мастацкае вучылішча, у 1997 — Беларускую дзяржаўную акадэмію мастацтваў (кафедра скульптуры). Удзельнік рэспубліканскіх і міжнародных выставак і пленэраў з 1995 года[1][2].
Член Беларускага саюза мастакоў з 1999 года[1].
Працуе ў галіне станковай скульптуры і паркавай скульптуры[2], графікі[1]. Матэрыял — бронза, камень[2].
Сярод твораў: скульптуры «Выкраданне ў Еўропу», «Адраджэнне міфа», «Развітанне з небам», «Лялечнае вяселле», «Дзяўчына і гном» (усе Мінск)[2].
Творы знаходзяцца ў Нацыянальным мастацкім музеі Рэспублікі Беларусь, Музеі сучаснага выяўленчага мастацтва (Мінск), Музеі мастацтваў (Малага, Іспанія), у прыватных зборах у Беларусі і за яе межамі[1].