У Вікіпедыі ёсць артыкулы пра іншых асоб з прозвішчам Абрамовіч. Анджэй Абрамовіч (14 студзеня 1926, Люблін, Польшча — 23 кастрычніка 2011, Лодзь, Польшча) — польскі археолаг, прафесар гістарычных навук (1982), які спецыялізуецца на сярэднявечнай археалогіі і гісторыі археалогіі. Ганаровы член Лодзінскага навуковага таварыства
З 1949 года працаваў у Археалагічным музеі ў Лодзі. У 1952 годзе скончыў Лодзінскі ўніверсітэт. З 1955 года ў Інстытуце гісторыі матэрыяльнай культуры Польскай акадэміі навук, намеснікам кіраўніка Аддзела археалогіі сярэдневяковай Польшчы. Рэдактар штогодніка «Fasciculi Archaeologiae Historicae».
Даследуе гісторыю археалогіі пераважна XIX ст. У сваіх працах звяртаецца да польска-беларускіх сувязей, як частку польскай археалогіі разглядае дзейнасць А. Нарушэвіча, Т. Нарбута, З. Даленгі-Хадакоўскага, Я. і К. Тышкевічаў, А. Кіркора і інш., якія пісалі на польскай мове. Прасочвае ўзаемасувязі і ўзаемаўплывы археолагаў розных навуковых цэнтраў. Паказаў значэнне дзейнасці Віленскай археалагічнай камісіі і Віленскага музея старажытнасцей, пісаў пра даследаванне старажытных помнікаў на Беларусі ў дарэвалюцыйны перыяд. Займаўся вывучэннем гісторыі старажытнага мастацтва.