У Вікіпедыі ёсць артыкулы пра іншых асоб з прозвішчам Снадскі. Анатоль Анатолевіч Снадскі (10 сакавіка 1942, Мінск) — беларускі архітэктар.
Скончыў Беларускі політэхнічны інстытут у 1965 годзе. Працаваў архітэктарам галоўным архітэктарам праектаў у Мінскпраекце, з 1981 года — начальнік бюро па інтэр’еры БелОМА.
Член Саюза архітэктараў СССР з 1972 года. Пражывае ў Мінску.
Асноўныя працы (у аўтарскім калектыве): інтэрнат трактарнага завода па вуліцы А. Кашавога, навучальны корпус кансерваторыі, Палац шлюбаў, жылыя дамы па праспекце Машэрава, добраўпарадкаванне парку Я. Купалы, паліклініка па вул. Караля (1967—1980) у Мінску.