У Вікіпедыі ёсць артыкулы пра іншых асоб з прозвішчам Шышакін. Анатоль Іванавіч Шышакін (30 чэрвеня 1934, в. Чарнышова-Пачынкі, Касімаўскі раён, Разанская вобласць — 8 студзеня 1980) — беларускі архітэктар.
Скончыў у 1968 годзе Новасібірскі інжынерна-будаўнічы інстытут. Працаваў у Новасібірску, старшым архітэктарам у Мінскпраекце.
Член Саюза архітэктараў СССР з 1974 года.
Асноўныя працы (у аўтарскім калектыве): тыпавыя праекты 5-, 9-павярховых буйнапанэльных жылых дамоў серыі 464-Д, 11-97 у Новасібірску (1969), 9-павярховы 10-секцыйны ў мікрараёне Серабранка-6 і 16-павярховы, 9-павярховы 14-секцыйны з убудаванымі памяшканнямі ў мікрараёне Серабранка-7 жылыя дамы серыі 464 М у Мінску (1971-1980).