wd wp Пошук: ⬜

Амрыта Шэр-Гіл

Амрыта Шэр-Гіл (30 студзеня 1913 года, Будапешт — 5 снежня 1941 года, Лахор) — індыйская мастачка.

Жыццё і творчасць

Бацькам будучай мастачкі, быў Умраа Сінгх Шэр-Гіл (панджаб.: ਉਮਰਾਉ ਸਿੰਘ ਸ਼ੇਰਗਿਲ), выхадзец з пенджабскай сікхскай арыстакратычнай сям’і, фатограф, маці — оперная спявачка Марыя Антуанета Готэсман (венг.: Marie-Antoinette Gottesmann).

У 1922 годзе сям’я Шэр-Гілаў з’язджае з Венгрыі ў Паўночную Індыю, у Пенджаб. Калі ва ўзросце 16 гадоў Амрыта выявіла вялікі талент мастака, Шэр-Гілы прыехалі ў Парыж, і дзяўчына паступіла там у Школу прыгожых мастацтваў. У гэты перыяд Амрыта знаёміцца як з мадэрнісцкім, так і з класічным французскім жывапісам, і сама стварае серыю арыгінальных ранніх палотнаў. У 1934 годзе яна вяртаецца ў Індыю. Памерла ва ўзросце 28 гадоў у Лахоры (цяперашні Пакістан).

Раннія працы А. Шэр-Гіл, часта параўнальныя з карцінамі Фрыды Кало, напоўнены сексуальнасцю і нястрачаным запалам. У творах індыйскай мастачкі злучаюцца старадаўнія традыцыі індыйскай культуры (жывапіс часоў Вялікіх Маголаў, пячор Аджанты) і заходнееўрапейскі авангардызм перадваеннага пакалення.

Памяць

У гонар Амрыты Шэр-Гіл названы адзін з кратэраў на Меркурыі.
Адну з дарог у сталіцы Індыі назвалі ў гонар Амрыты Шэр-Гіл.
Яе карціна «Жанчыны з пагорка» намаляваная на паштовай марцы, выпушчанай у 1978 годзе.

Зноскі

1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
1 2 Amrita Sher-Gil
1 2 Bibliothèque nationale de France data.bnf.fr: платформа адкрытых дадзеных — 2011.
↑ https://www.sothebys.com/en/artists/amrita-sher-gil
1 2 https://sophia.smith.edu/global-modern-women-artists/amrita-sher-gil/biography/
↑ https://www.christies.com/features/Amrita-Sher-Gil-6132-1.aspx

Спасылкі

Amrita Sher-Gil: artworks from the collection of NGMA. Праверана 4 лістапада 2019.