Амадэа Ральда́н (ісп.: Amadeo Roldán y Gardes; 12 снежня 1900, Парыж — 2 сакавіка 1939) — кубінскі кампазітар, скрыпач, дырыжор, педагог, адзін з заснавальнікаў афра-кубінскага кірунку ў нацыянальнай музыцы і кампазітарскай школы Кубы.
Скончыў Мадрыдскую кансерваторыю (1915). З 1919 у Гаване, з 1920 дырыжор аркестра Нацыянальнага тэатра, з 1923 скрыпач-канцэртмайстар, з 1932 галоўны дырыжор Філарманічнага аркестра. З 1935 прафесар, з 1936 дырэктар Муніцыпальнай кансерваторыі. Аўтар балетаў, твораў для аркестра, для хору, для голасу і інструментальнага суправаджэння, музыкі для дзяцей і інш.