wd wp Пошук: ⬜

Аляксей Свірыдавіч Петушкоў

У Вікіпедыі ёсць артыкулы пра іншых асоб з прозвішчам Петушкоў.

Аляксей Свірыдовіч Петушкоў (1913—1991) — намеснік камандзіра 3-га гвардзейскага авіяцыйнага палка 2-й гвардзейскай авіяцыйнай дывізіі 2-га гвардзейскага авіяцыйнага корпуса авіяцыі далёкага дзеяння, гвардыі падпалкоўнік. Герой Савецкага Саюза (1944).

Біяграфія

Нарадзіўся 5 кастрычніка 1913 года ў горадзе Лісічанск [1] цяпер Луганскай вобласці , Украіна, беларус. Працаваў токарам у Мінску.

У 1933 годзе прызваны ў шэрагі Чырвонай Арміі. У 1936 годзе скончыў авіяцыйную школу. У баях Вялікай Айчыннай вайны з чэрвеня 1941 года. Удзельнічаў у баях каля Арла, Харкава, Кіева, Днепрапятроўска, Варонежа, Таліна, Оршы, Пскова, Нарвы.

Да красавіка 1944 года здзейсніў 250 баявых вылетаў, з іх 226 у начных умовах на бамбардзіраванне ваенна-прамысловых аб’ектаў у глыбокім тыле праціўніка. 19 жніўня 1944 года за ўзорнае выкананне баявых заданняў камандавання па знішчэнні жывой сілы і тэхнікі праціўніка і праяўленыя пры гэтым мужнасць і гераізм гвардыі падпалкоўніку Петушкову Аляксею Свірыдавічу прысвоена званне Героя Савецкага Саюза з уручэннем ордэна Леніна і медаля «Залатая Зорка».

З 1959 года палкоўнік А. С. Петушкоў ў запасе. Жыў у горадзе Палтава. Памёр 27 ліпеня 1991 года.

Узнагароды

Медаль «Залатая Зорка» Героя Савецкага Саюза;
тры ордэна Леніна;
тры ордэна Чырвонага Сцяга;
ордэн Аляксандра Неўскага(руск.) бел.;
ордэн Айчыннай вайны 1-й ступені;
ордэн Чырвонай Зоркі.

Зноскі

↑ Паводле адных дадзеных з’яўляецца выхадцам з вёскі Фядотава Буда сучаснага Клімавіцкага раёна Магілёўскай вобласці, паводле іншых — беларусам, выхадцам з горада Лісічанск, сучаснай Луганскай вобласці

Літаратура

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
За мужество и отвагу. — Харьков, 1984.

Спасылкі

Аляксей Свірыдавіч Петушкоў на сайце «Героі краіны»