У Вікіпедыі ёсць артыкулы пра іншых асоб з прозвішчам Навумаў. Аляксей Мікалаевіч Навумаў (20 снежня 1924, г. Ражск, Разанская вобласць) — беларускі архітэктар.
Скончыў Маскоўскі архітэктурны інстытут у 1954 годзе. Працаваў у Казгарбудпраекце ў Алма-Аты, дзе ўдзельнічаў у праектаванні Дома Саветаў, серыі 4-павярховых буйнапанэльных жылых дамоў, тыпавых праектаў школ і бальніц для сейсмічных раёнаў. З 1971 года — кіраўнік майстэрні, галоўны архітэктар праектаў у Мінскпраекце.
Член Саюза архітэктараў СССР з 1957 года. Пражываў у Мінску.
Асноўныя працы (у аўтарскім калектыве): 9-, 12-павярховыя буйнапанэльныя жылыя дамы серыі М 464-9 у мікрараёнах Харкаўская-2, 5, Курасоўшчына-3, Сярова-2, Паўднёвы Захад-2, 3, 4, Захад-4, 5, Зялёны Луг-6, па вул. Адоеўскага, Уральская—Мендзялеева, Сурганава—Горкага (1975—1985), тыпавыя праекты школы на 30 класаў (1982), дзіцячых садкоў-ясляў на 220 і 320 месцаў (1984).
Узнагароджаны ордэнам «Знак Пашаны» (1966), медалямі.