У Вікіпедыі ёсць артыкулы пра іншых асоб з прозвішчам Антонаў.
Аляксей Гаўрылавіч Антонаў (1 красавіка 1922, в. Вымна, Віцебскі раён — 31 мая 1990) — Герой Сацыялістычнай Працы (1978)[1]. Заслужаны ўрач БССР (1968).
У 1948 г. скончыў Мінскі медыцынскі інстытут. З 1948 г. загадчык Высачанскага ўрачэбнага ўчастка, з 1958 г. галоўны ўрач Высачанскай участковай бальніцы Лёзненскага раёна. З 1962 г. член КПСС. Званне «Героя Сацыялістычнай Працы» прысвоена за заслугі ў развіцці народнай аховы здароўя. Дэпутат Вярхоўнага Савета БССР 10-га склікання (1980—1984 гг.). Узнагароджаны 2 ордэнамі Леніна, ордэнам Айчыннай вайны II ступені. Жыў у г. Высачаны (Лёзненскі раён, Віцебскай вобласці).