Аляксей Аляксандравіч Мардашоў (руск.: Алексе́й Алекса́ндрович Мордашо́в; нар. 26 верасня 1965, Чарапавец, Валагодская вобласць) — расійскі прадпрымальнік, мільярдэр. Уладальнік 77 % акцый, старшыня савета дырэктараў, генеральны дырэктар (2006—2014) ПАТ «Северсталь», генеральны дырэктар ЗАТ «Севергруп», старшыня Савета дырэктараў ПАТ «Сілавыя машыны», член Савета дырэктараў Nord Gold N.V. і старшыня Савета дырэктараў ЗАТ «Свеза». Уладальнік 32 % нямецкай турыстычнай кампаніі TUI Group.
У 2004 годзе фатаграфія Мардашова з’явілася на вокладцы першага нумара расійскага Forbes. Заснавальнік рускай рэдакцыі часопіса Пол Хлебнікаў назваў яго адным з найбольш вядомых і цытаваных расійскіх бізнесменаў у Расіі і за мяжой.
У лютым 2021 года з-за росту кошту акцый «Северсталі» багацце Мардашова дасягнула 30 млрд долараў ЗША і ён стаў самым багатым чалавекам у Расіі.