У Вікіпедыі ёсць артыкулы пра іншых асоб з прозвішчам Шот. Аляксандр Уладзіміравіч Шот (13 сакавіка 1925, в. Дзямідавічы, Дзяржынскі раён, БССР) — беларускі медык, спецыяліст у галіне хірургіі. Доктар медыцынскіх навук (1964), прафесар (1967). Заслужаны дзеяч навукі Беларусі (1977). Лаўрэат Дзяржаўнай прэміі БССР (1988)
Скончыў Мінскі медыцынскі інстытут (1953), у 1965—1992 гадах загадчык кафедры гэтага інстытута.
Навуковыя працы па абдамінальнай хірургіі, транспланталогіі, ангіягенным сэпсісе. Распрацаваў і ўкараніў у практыку пратэзаванне клапанаў аорты без выключэння сэрца з кровазвароту.
У 1954 годзе нарадзіўся сын Уладзімір, які таксама стаў хірургам і доктарам медыцынскіх навук.