Аляксандр Батвінёнак (3 мая 1957, Браслаў, Віцебская вобласць — 11 лістапада 2018) — беларускі скульптар. Сябра Беларускага саюза мастакоў з 1988 года.
У 1983 годзе скончыў Беларускі тэатральна-мастацкі інстытут і творчыя акадэмічныя майстэрні Акадэміі мастацтваў СССР у Мінску ў 1986 годзе. Вучыўся у А. Анікейчыка, Р. Мурамцава, А. Арцімовіча, З. Азгура. Удзельнік мастацкіх выставак з 1982 года, працаваў у станковай скульптуры.
Лаўрэат спецыяльнай прэміі Прэзідэнта Рэспублікі Беларусь дзеячам культуры і мастацтва за 2001 год у галіне выяўленчага мастацтва. Узнагароджаны медалём Беларускага саюза мастакоў «За дасягненні ў выяўленчым мастацтве» і граматай Беларускага Саюза архітэктараў ў галіне скульптуры.
Аўтар шматлікіх твораў, якія выкананы з розных матэрыялаў: дрэва, бронзы, мармуру і інш. Афіцыйнае прызнанне аўтар атрымаў за партрэтны жанр — помнік П. Мсціслаўцу (у сааўтарстве з А. Чыгрыным і архітэктарам Ю. Казаковым).
Шмат гадоў звяртаўся да вобраза Ф. М. Дастаеўскага. Ен стварыў 6 работ, прысвечаных пісьменніку. Тры скульптуры з гэтай серыі знаходзяцца ў Націянальным мастацкім музеі РБ, Гродзенскім гісторыка-археалагічным музеі, Музеі-кватэры Ф. М. Дастаеўскага (Санкт-Пецярбург)[1].