Аляксандр Сямёнавіч Кляўчэня (18 верасня 1924, в. Дзяніскавічы, Ганцавіцкі раён, Брэсцкая вобласць — 10 сакавіка 2002) — беларускі філосаф. Доктар філасофскіх навук (1971), прафесар (1972).
Скончыў Беларускі дзяржаўны ўніверсітэт (гістарычны факультэт, філасофскае аддзяленне, 1954; аспірантура).
Працаваў у Беларускім дзяржаўным універсітэце (1957—1995, кафедра гісторыі філасофіі і логікі, у 1974—1988 — загадчык кафедры).
Навуковыя інтарэсы: тэарэтыка-метадалагічныя праблемы філасофіі і логікі; гісторыя філасофіі і грамадска-палітычнай думкі Беларусі і Польшчы.