Аляксандр Сцяпанавіч Захарэ́ўскі (нар. 6 красавіка 1929, в. Колкі, Петрыкаўскі раён, Гомельская вобласць) — беларускі вучоны ў галіне фармакалогіі. Доктар медыцынскіх навук (1975), прафесар (1983).
Скончыў у 1955 годзе Віцебскі медыцынскі інстытут. З 1958 года ў Мінскім медыцынскім інстытуце, з 1967 года загадчык лабараторыі, у 1983—1996 загадчык кафедры.
Навуковыя працы па распрацоўцы сінтэтычных, кардыя-, нейратропных, супрацьгіпаксічных, супрацьалергічных сродкаў, лекаў расліннага паходжання.