wd wp Пошук: ⬜

Аляксандр Раслін

Аляксандр Раслі́н, часам Раслен (шведск.: Alexander Roslin, 15 ліпеня 1718, Мальмё — 5 ліпеня 1793, Парыж) — шведскі мастак-партрэтыст.

Біяграфія

Вучыўся ў Стакгольме ў Г. Шродэра ў 1736-1739 гадах.

Працаваў у Швецыі (да 1745 і ў сярэдзіне 1770-х г.), Германіі (1745-1747), Італіі (1747-1752), Францыі (з 1752 года), Расіі (1775-1777).

Пісаў пераважна партрэты. У творах, якія вызначаліся вытанчанасцю пастэльнага каларыту ў духу ракако, спалучаў імкненне да канкрэтнайпсіхалагічнай характарыстыкі мадэлі з віртуознай перадачай тканін, упрыгожанняў і інш.

Вядомыя працы

Дама з вэлюмам (Damen med slöjan, 1768)
Партрэт сям’і Енінгс (Familjen Jennings, 1769)
Партрэт Зоі Гікі, малдаўскай прынцэсы (Zoie Ghika, moldavisk prinsessa, 1777)

Яго пэндзлю належыць шэраг партрэтаў рускіх дзяржаўных дзеячаў: Івана Іванавіча Бяцкога, Івана Іванавіча Шувалава і іншых.

Галерэя

Дама пад вэлюмам (партрэт жонкі)
Партрэт Івана Бяцкога, 1777
Партрэт Крысціяна VII, 1772
Партрэт Густава III, 1777
Партрэт архітэктара Ж. Б. Перанэ і яго жонкі

Зноскі

Літаратура

Per Bjurström. Roslin. — Höganäs: Wiken, 1993.
Magnus Olausson. Alexander Roslin. — 2007. — ISBN 978-91-27-08838-2.
Беларуская энцыклапедыя: У 18 т. Т.13: Праміле — Рэлаксін / Рэдкал.: Г. П. Пашкоў і інш. — Мн.: БелЭн, 2001. — Т. 13. — С. 354. — 576 с. — 10 000 экз. — ISBN 985-11-0216-4 (Т. 13).

Спасылкі

На Вікісховішчы ёсць медыяфайлы па тэме Аляксандр Рослін