У Вікіпедыі ёсць артыкулы пра іншых асоб з падобнымі імёнамі, гл. Новікаў і Аляксандр Новікаў.
Аляксандр Пятровіч Новікаў (1954, г. Орша, Віцебская вобласць — 2007) — беларускі фізік, спецыяліст у галіне фізікі паўправаднікоў і дыэлектрыкаў. Доктар фізіка-матэматычных навук (1989), прафесар.
Скончыў Беларускі дзяржаўны ўніверсітэт (1976).
Працаваў у Беларускім дзяржаўным універсітэце (1980—1989 і 1990—1997, выкладчык кафедры фізікі цвёрдага цела, навуковы супрацоўнік Навукова-даследчага інстытута прыкладных фізічных праблем імя А. Н. Сеўчанкі, прафесар кафедры цвердацельнай электронікі, прафесар кафедры фізічнай электронікі), Мінскім НДІ радыёматэрыялаў (1989, начальнік аддзела), ЗША (з 1998, супрацоўнік Gemesis Corporation, г. Сарасота, штат Фларыда).
Навуковыя інтарэсы: алмазныя матэрыялы; тэхналогія алмазнай электронікі і вырабаў на іх аснове; тэхналогія вырошчвання штучных алмазаў (у т. л. каляровых і алмазаў электроннай якасці).