У Вікіпедыі ёсць артыкулы пра іншых асоб з прозвішчам Якаўлеў. Аляксандр Мікалаевіч Якаўлеў (руск.: Алекса́ндр Никола́евич Я́ковлев; 2 снежня 1923, в. Каралёва, Яраслаўская губерня — 18 кастрычніка 2005, Масква) — савецкі і расійскі палітычны дзеяч, публіцыст, навуковец-амерыканіст, акадэмік РАН, адзін з галоўных ідэолагаў, «архітэктараў» перабудовы.
Удзельнік Вялікай Айчыннай вайны. Член Камуністычнай партыі з 1944 па жнівень 1991 года, член і сакратар ЦК КПСС (1986—1990), член Палітбюро ЦК КПСС (1987—1990). У 1995—2000 гадах Старшыня Расійскай партыі сацыяльнай дэмакратыі.