У Вікіпедыі ёсць артыкулы пра іншых асоб з прозвішчам Скрабін.
Аляксандр Мікалаевіч Скрабін (25 снежня 1871, (6 студзеня 1872), Масква — 14 (27) красавіка 1915, там жа) — рускі кампазітар і піяніст . Яго творчасць прынята разглядаць асобна, хоць з пункту гледжання кампазітарскай тэхнікі яна можа быць збліжана з Новай венскай школай. Вострую праблему «недастатковасці», «вузкасці» танальнасці, якая стаяла перад кампазітарамі таго часу, Скрабін вырашае па-свойму, максімальна ўскладняючы гармонію. Адначасова жаданай выразнасці ён дамогся, увядучы ў музыку колер, гэта значыць упершыню ў гісторыі выкарыстоўваў святламузыку.