У Вікіпедыі ёсць артыкулы пра іншых асоб з прозвішчам Ляўчук. Аляксандр Георгіевіч Ляўчук (нар. 9 жніўня 1985, в. Вострава Кобрынскага раёна Брэсцкай вобласці) — беларускі спецыяліст у галіне ветэрынарыі, дэпутат Палаты прадстаўнікоў Нацыянальнага сходу Рэспублікі Беларусь.
Скончыў Віцебскую дзяржаўную акадэмію ветэрынарнай медыцыны па спецыяльнасці «Ветэрынарная медыцына».
Працаваў ветфельчарам ААТ «Радзіма» Пружанскага раёна Брэсцкай вобласці, галоўным ветэрынарным урачом ААТ «Стрыгава» Кобрынскага раёна Брэсцкай вобласці, галоўным ветэрынарным урачом ААТ «Аранчыцкая птушкафабрыка» Пружанскага раёна Брэсцкай вобласці.
Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання[1].