У Вікіпедыі ёсць артыкулы пра іншых асоб з прозвішчам Паўлоўскі.
Алякса́ндр Аляксе́евіч Паўлоўскі (14 лютага 1950, п. Галіцына, Адзінцоўскі раён, Маскоўская вобласць, РСФСР) — беларускі ваенны (генерал-лейтэнант) і дыпламат.
Нарадзіўся 14 лютага 1950 года ў п. Галіцына Адзінцоўскага раёна Маскоўскай вобласці.
У 1971 годзе скончыў Казанскае вышэйшае танкавае каманднае вучылішча, у 1978 годзе — Ваенную Акадэмію бронетанкавых войскаў, у 1996 — Ваенную Акадэмію Генеральнага штаба Узброеных Сіл Расійскай Федэрацыі.
Да 5 ліпеня 1994 года — камандзір 6-й гвардзейскай аддзельнай механізаванай брыгады 28-га армейскага корпуса [1].
У 1996—1997 гадах — начальнік Галоўнага ўпраўлення пагранічных войскаў Рэспублікі Беларусь.
У 1997—2007 гадах — старшыня Дзяржаўнага камітэта пагранічных войскаў Рэспублікі Беларусь [2] [3].
26 лютага 2008 года прызначаны Надзвычайным і Паўнамоцным Паслом Рэспублікі Беларусь ў Францыі, а таксама Пастаянным прадстаўнікам пры ЮНЕСКА [4]. 10 ліпеня 2008 года стаў таксама паслом у Іспаніі і Партугаліі па сумяшчальніцтве [5].